Сямнаццаты раз Нясвіж прымае таленты з розных куткоў Беларусі на пленэры: горад становіцца сапраўднай майстэрняй для юных талентаў. Сёння ў Тэатральнай зале Нацыянальнага гісторыка-культурнага музея-запаведніка «Нясвіж» быў дадзены старт XVII рэгіянальнаму конкурсу-пленэру юных мастакоў імя Міхаіла Сеўрука «Святло жаночай творчасці».
Штогод тэматыка конкурсу мяняецца. Сёлета пленэр прысвечаны жаночым творчым вобразам — не толькі гістарычным асобам, але і жанчынам-мастачкам.
Удзел у трохдзённым пленэры прымаюць і навучэнцы ДУА “Дзіцячая мастацкая школа ім. А.А. Анікейчыка г. Барысава” разам з намеснікам дырэктара па вучэбна-выхаваўчай рабоце Аленай Суша.
Перад тым як пачаць творчы працэс, юнакі і дзяўчаты пазнаёміліся з экспазіцыямі музея-запаведніка. Наперадзе іх чакаюць наведванне выставак і, вядома ж, праца на пленэры.
Упэўнены, выхаванцы Барысаўскай дзіцячай мастацкай школы годна прадставяць наш горад і прадэманструюць свае таленты.
Служба інфармацыі “Адзінства”
