Згодна з пастановай Урада ад 31 кастрычніка 2025 г. № 598 у Беларусі штогод будуць праводзіцца навагоднія дабрачынныя акцыі:
- з 15 снежня па 14 студзеня – «Нашы дзеці»;
- з 23 снежня па 14 студзеня – «Ад усёй душы».
Удзел у акцыях прымуць рэспубліканскія органы дзяржаўнага кіравання, іншыя арганізацыі, падпарадкаваныя Савету Міністраў Рэспублікі Беларусь, мясцовыя выканаўчыя і распарадчыя органы.
Мерапрыемствы накіраваны на віншаванне дзяцей і пажылых грамадзян з Новым годам, Нараджэннем Хрыстовым, уручэнне ім падарункаў, аказанне дапамогі ў вырашэнні існуючых праблем у адпаведнасці з заканадаўствам.
Пастанова ўступае ў сілу пасля яе афіцыйнага апублікавання.
Па інфармацыі Нацыянальнага прававога Iнтэрнэт-партала Рэспублікі Беларусь
