Плюс тры літры: за кошт чаго жывёлаводы Барысаўшчыны павышаюць вытворчасць малака
Два гады запар малочна-таварны комплекс «Зачысце» філіяла «Зачысце Агра» Барысаўскага камбіната хлебапрадуктаў па выніках першага паўгоддзя лідзіруе ў спаборніцтве, аб’яўленым абкамам прафсаюза работнікаў АПК. Сёлета тут ёсць таксама добрыя падставы для гонару.
На МТК у аграгарадку Зачысце ўтрымліваецца 2100 галоў буйной рагатай жывёлы, у тым ліку 880 кароў. Побач з ім будуецца новы комплекс на 800 буронак. З яго ўводам у эксплуатацыю пагалоўе значна вырасце.
— У кастрычнiку надоi складаюць 23,5 л на карову, — паведаміў галоўны заатэхнік гаспадаркі Ігар Шкурдзюк. — Плюсуем больш чым на тры літры да леташняга ўзроўню. Па выніках жа года плануем выйсці на ўдой 7800 л малака на карову, што на 400 л больш мінулагодняга. Апошнія два гады мы займалі першыя месцы ў вобласці. Гэта дасягнута, дзякуючы зладжанай рабоце ўсяго калектыву: ад аператараў машыннага даення і даглядчыкаў да спецыялістаў.
На вялікай тэрыторыі комплексу парадак, на ёй разбіты кветнікі і ўстаноўлены малыя архітэктурныя формы. Жывёла дагледжана і накормлена. Тут асобая ўвага надаецца выкананню тэхналогіі, таму і вынікі радуюць.
— У каровы малако на языку, гаворыць народная мудрасць. Як пакорміш жывёлу, такую ад яе і атрымаеш прадукцыю, — заўважыў галоўны заатэхнік. — Таму ўсе кармы ў нас першага класа: і сянаж, і сілас. Камбікармы пастаўляюцца цэнтралізавана з камбіната хлебапрадуктаў. Яны поўнарацыённыя, таму дасягаюцца высокія сярэднесутачныя прыбаўленні ў вазе маладняку. У цёлак яны складаюць 830-840 г у суткі.
Дзякуючы паўнацэннаму кармленню і добраму дагляду, цялушак на комплексе асемяняюць у 12-13 месяцаў, калі яны дасягаюць вагі ў 380-400 кг. Такім чынам зніжаюцца выдаткі на вырошчванне жывёлы.
Першацёлак на МТК «Зачысце» дояць тры разы за суткі, у астатніх кароў двухразовая дойка. Яна на комплексе пачынаецца ў пяць гадзін раніцы і працягваецца да двух ночы з гадзінным перапынкам.
— За суткі мы надойваем каля 20 тон малака, 19 з якіх ідзе на рэалізацыю (усё класам экстра), і адну тону пакідаем сабе на выпайку цялят, — удакладніў Ігар Леанідавіч. — На комплексе працуюць 52 чалавекі, ён цалкам укамплектаваны і рабочымі, і спецыялістамі. Падтрымліваецца высокая дысцыпліна працы. У перадавіках па надоях на МТК сямейная пара — Сяргей і Ірына Стальмаховіч. На вырошчванні цёлак высокіх прыбаўленняў у вазе дасягнулі Алена Панкавец і Ала Данілава. Добра даглядае за каровамі Сяргей Заляшчонак.
Перадавы аператар машыннага даення Ірына Стальмаховіч якраз была на працы, а вось яе муж Сяргей пайшоў у водпуск. Дваццаць год таму жанчына змяніла горад на вёску, і не шкадуе.
— Мае бацькі родам з Неманіцы, але жылі мы ў Барысаве, дзе я і пазнаёмілася з будучым мужам, — расказала Ірына. — Выйшла замуж і пераехала ў вёску. Пайшла працаваць на ферму. Сяргей спачатку быў даглядчыкам, а потым стаў аператарам машыннага даення. Гэта яму было не ў навіну, бо з дзяцінства дапамагаў маці даіць кароў. Ён усё ўмее. У нас двое дарослых дзяцей: сын і дачка, жывуць у горадзе.
Працуюць аператары машыннага даення суткі праз двое, гэта няпроста, але ўжо прывыклі да такога стылю жыцця.
— У нас свая хата, ёсць чым заняцца ў вольны час, — заўважыла Ірына. — Працаваць у сельскай гаспадарцы цяжка, але я сябе ўжо ў горадзе не бачу, думаю, не змагла б там жыць. Мне наша вёска мілей. Нас у гаспадарцы паважаюць і шануюць. Вось і на Дошку гонару занеслі!
Доўга размаўляць у Ірыны Стальмаховіч не было часу, бо каровы самі сябе не падояць. Яна накіравалася назад у даільную залу. Ад таго, як спрацуе Ірына і яе калегі, залежыць, ці здолее малочна-таварны комплекс выканаць пастаўленыя перад ім мэты.
Мы очень надеемся, что этот светлый месяц май подарит мир нашему братскому народу. Коль время выбрало нас, мы должны сохранить мир и покой на нашей земле
Николай КАРПОВИЧ
Совместными усилиями и благодаря личному вкладу каждого из вас медицинская помощь жителям сельских населенных пунктов оказывается в современных и комфортных условиях
Александр ШИПУЛО
ВНС — консолидирующий институт принятия стратегически важных решений
Дмитрий СЛОНСКИЙ
Концепция национальной безопасности и Военная доктрина — это стратегические решения, которые, как минимум, на ближайшие 10 лет определят развитие нашей страны
Владимир ВАСИЛЬЕВ
Беларусь в западных СМИ пытаются представить как диктатуру власти. Я бы согласился с этим тезисом, но обязательно подчеркнул, что диктатура народовластия. ВНС ярко это подтверждает
Ирина САДОВСКАЯ
Задача, которая стоит перед каждым руководителем любого уровня, — показать, насколько почетна профессия педагога, насколько важную роль она играет в становлении общества и развитии государства
Елизавета ВОЛКОВЕЦ
Отрадно, что в нашей стране молодежь замечают, ей доверяют и на нее возлагают надежды
Денис КИСЛЫЙ
Сегодня молодежь демонстрирует свою активную гражданскую позицию, готовность к диалогу и конструктивному взаимодействию