Выхаванцы 14 аздараўленчых лагераў школ Барысаўшчыны працягваюць актыўна ўдзельнічаць у акцыі «Сімвалы нашай краіны».
Дзеці разам з настаўнікамі ладзяць флэшмобы, крэатыўна фатаграфуюцца ў адзенні нацыянальных колераў, наносяць патрыятычны аквагрым.
Школьнікі чытаюць вершы на роднай мове, наведваюць экскурсіі па знаёмых мясцінах. А яшчэ ўдзельнічаюць у інтэлектуальных гульнях, квізах, брэйн-рынгах на тэмы ведання дзяржсімвалаў, асноўных гістарычных падзей у жыцці краіны.
Некаторыя дзеці ўвасабляюць ідэі на тэму «Пазнай Беларусь», «Я гэты край Радзімаю заву» крэйдай на асфальце, фарбамі і алоўкамі —на паперы.
Палюбуйцеся, як прыгожа!
Нагадваем, што далучыцца да акцыі можа кожны жадаючы. Для гэтага неабходна сфатаграфавацца на фоне дзяржаўнага сцяга, або з паветранымі шарамі зялёнага і чырвонага колераў, або адлюстраваць дзяржаўную сімволіку на малюнку. Можна зрабіць арыгінальны выраб. Варыянтаў шмат, усё залежыць ад вашай фантазіі.
Свае фотаздымкі дасылайце на адрас рэдакцыі!
