2.0255
2.28
3.215

Предыдущая версия сайта ※ перейти ››

14.06.2019 12:00

Не вал павінен правіць баль…

Згодна з рашэннем раённага выканаўчага камітэта, сёлета перад сельскагаспадарчымі арганізацыямі Барысаўшчыны пастаўлена задача нарыхтаваць для грамадскай жывёлы больш чым 5,5 тысячы тон сена, звыш 158,1 тысячы тон сіласу і 158,9 тысячы тон сенажу. З такім разлікам, каб на ўмоўную галаву буйной рагатай жывёлы мелася не менш чым па 32,4 цэнтнера кармавых адзінак травяністых кармоў.

Не  вал  павінен  правіць  баль…

Але не вал павінен правіць баль. Як і ў мінулыя гады, асаблівую ўвагу кіраўнікі, спецыялісты і радавыя работнікі гаспадарак павінны ўдзяляць якасці нарыхтоўваемых кармоў. З тым, каб атрымаць ад іх найбольшую аддачу пры скармліванні жывёле.
Для захавання ў кармах максімальнай колькасці пажыўных рэчываў касіць травы неабходна ў найбольш аптымальнай фазе іх развіцця: злакавыя – у пачатку выхаду ў трубку, а бабовыя – у пачатку бутанізацыі. Пры закладцы сенажу і сіласу ў траншэі павінны строга вытрымлівацца ўстаноўленыя тэхнічным рэгламентам параметры даўжыні травяной рэзкі, вільготнасці і тэмпературы закладваемай масы. За гэтым павінны пастаянна сачыць спецыялісты агранамічнай і зоаветэрынарнай службаў гаспадарак.
Для агульнага кантролю за якасцю нарыхтоўваемых кармоў з ліку спецыялістаў раённай ветэрынарнай станцыі створаны дзве тэхналагічныя групы, якія што-
дзённа выязджаюць у гаспадаркі і правяраюць выкананне тэхрэгламенту непасрэдна на месцах. Ва ўзятых пробах у раённай лабараторыі аналізуецца ўтрыманне ў корме караціну, нітратаў і нітрытаў, а ў абласной – клятчаткі і пратэіну. І робіцца папярэдняя ацэнка якасці корму.
У мінулую сераду да ранішняй паездкі адной з тэхналагічных груп у складзе намесніка галоўнага ветэрынарнага ўрача па дыягнастычнай рабоце ДУ “Барысаўская райветстанцыя” Веранікі Дударонак і вядучага ветэрынарнага ўрача-радыёлага Зінаіды Жук далучыўся і карэспандэнт газеты “А”. На жывёлагадоўчым комплексе СУП “Зачысце Агра” адна траншэя была ўжо запоўнена сянажнай масай і ўкрыта двухслойнай поліэтыленавай плёнкай. Падыходзіла да завяршэння запаўненне і другой траншэі ўмяшчальнасцю паўтары тысячы тон.
Улік паступлення правяленай здробненай травяной сумесі з канюшыны і цімафееўкі вяла загадчыца МТК Тамара Чарнуха. Яна паведаміла, што спецыялісты зоаветслужбы праз кожныя тры гадзіны правяраюць вільготнасць і тэмпературу закладваемай масы. І не было ні аднаго выпадку адхілення ад параметраў тэхрэгламенту, таму што сонечнае надвор’е спрыяе хуткаму правяльванню скошанага травастою, а бесперабойная кругласутачная трамбоўка двума пагрузчыкамі “Амкадор-352” дае магчымасць забяспечыць неабходны тэмпературны рэжым. Праверка спецыялістаў райветстанцыі пацвердзіла праўдзівасць слоў загадчыцы комплексу: вільготнасць масы складала 49 працэнтаў, а тэмпература – 34 градусы.
Поводле слоў дырэктара СУП “Зачысце Агра” Аляксандра Курэцкага, сёлета на перыяд зімова-стойлавага ўтрымання жывёлы ў гаспадарцы запланавана нарыхтаваць 9 тысяч тон сянажнай масы і столькі ж сіласу, каб у структуры дзённага рацыёна вытрымліваліся іх суадносіны 1:1. А таксама 250 тон сена.
Падчас наведвання гаспадаркі на нарыхтоўцы кармоў былі задзейнічаны два падборшчыкі – КВК-800 і КЗР, на якіх працавалі Мікалай Мядзел і Андрэй Кашко, а таксама 8 транспартных адзінак на адвозцы здробненай правяленай масы ад вёскі Карнюшкаў Засценак да сянажнай траншэі. Бесперапынную трамбоўку забяспечвалі Дзмітрый Курыловіч і Дзмітрый Клімковіч. На касьбе траў шчыравалі Іван Ластоўскі і Віталь Васілеўскі на трактарах МТЗ-1221 з касілкамі КДН-3, а таксама Валерый Боршч на самаходнай касілцы КПР-9.
Усяго пад кашэнне ў гаспадарцы мелася 800 гектараў шматгадовых траў і 150 гектараў аднагадовых. На сілас будзе выкарыстана кукуруза, якой вясной пасеяна 420 гектараў. Праўда, паўсотні гектараў “каралевы палёў” пры спрыяльных умовах вяскоўцы маюць намер убраць на зерне, таму што каля 3 тысяч тон кукурузнага сіласу засталося з мінулагодніх запасаў. Між іншым, і леташняга сена засталося каля 70 тон. Гэты від корму, як правіла, рыхтуецца з другога ўкосу траў, размешчаных на асушаных тарфяніках на плошчы больш чым 250
гектараў.
…У аграрна-жывёлагадоўчай гаспадарцы ААТ “Барысаўскі завод “Аўтагідраўзмацняльнік” трэці дзень закладвалі масу ў сянажную траншэю ўмяшчальнасцю каля тысячы тон у вёсцы Кастрыца. Загадчыца склада Святлана Клімковіч апрыходавала паступаючую травяную сумесь, а галоўны ветэрынарны ўрач Анатоль Жукоўскі і галоўны заатэхнік Сяргей Мазынскі кантралявалі паказчыкі вільготнасці і тэмпературы закладваемай масы. Кантрольная праверка паказала, што яны адпавядаюць тэхнічнаму рэгламенту.

Нашли ошибку? Выделите её и нажмите CTRL + ENTER
16.07.2019 15:31
10.07.2019 10:18
27.06.2019 12:30