2.1154
2.3479
3.3195
Предложить новость

Предыдущая версия сайта ※ перейти ››

19.11.2019 16:00

ЖЫВЕ ПАМЯЦЬ

5 лістапада споўнілася 115 гадоў з дня нараджэння французскай мастачкі беларускага паходжання Надзеі Хадасевіч-Лежэ. Да гэтай даты ў Нацыянальным мастацкім музеі Беларусі пры падтрымцы пасольства Францыі адкрылася выстава “Надзя. Да 115-годдзя з дня нараджэння  Надзеі Хадасевіч”.

ЖЫВЕ  ПАМЯЦЬ

На адкрыцці выставы прысутнічалі пасол Францыі ў  Беларусі  Дзідзье Канес, унук Надзеі Пятроўны, калекцыянер Нікаля Ценье і кіраўнік камітэта Фернана Лежэ, дырэктар музея-фермы мастака ў Нармандыі  Жан Дэскуб дзю Шатэнэ. Адбылося гэта 23 кастрычніка.

У гэты ж дзень Нікаля і Жан, якія прыляцелі з Парыжа напярэдадні, наведалі Зембін, дзе свой след  заставіла   Надзея Пятроўна. Музей Народнай славы ў Зембіне – адзінае месца ў Беларусі, дзе можна ўбачыць мазаічныя пано Надзі Лежэ, якія выкананы з мальтыйскага каменю і смальты. Гэта партрэты знакамітых людзей ХХ стагоддзя: В.І.Леніна, П.Пікаса, Ф.Лежэ, М.Шагала і Д.-А.Канвейлера.

У музеі таксама захоўваецца  21 рэпрадукцыя карцін заходне-еўрапейскіх мастакоў ХV – пачатку ХХ стагоддзя, падараваных самой мастачкай у 1967 годзе Зембінскай сярэдняй школе.

Акрамя музея Нікаля і Жан наведалі мясцовыя могілкі, дзе пахаваны бацькі Надзеі: Петр Сцяпанавіч і Марыя Рафаілаўна Хадасевічы, а таксама яе родная сястра Вашкевіч Яўгенія Пятроўна з дачкой Тамарай.

Было відаць, што госці былі вельмі рады наведаць мясціны, звязаныя з імем Надзі, і дзе дагэтуль захоўваюць і шануюць памяць аб ёй.

Незадоўга да іх візіту Зембін наведаў і Народны мастак Беларусі  Іван Якімавіч Міско. Ён быў асабіста знаёмы з Надзеяй Пятроўнай і мае намер увекавечыць памяць аб ёй у скульптуры. Можа быць у хуткім часе ў Зембіне з”явіцца помнік нашай славутай землячцы.

Галіна Ігнатовіч, загадчыца музея Народнай славы

1 copy copy 2 copy 3

Нашли ошибку? Выделите её и нажмите CTRL + ENTER
204
05.12.2019 08:00
05.12.2019 08:00