НЕ ТОЛЬКІ ВАЛ ПАВІНЕН ПРАВІЦЬ БАЛЬ

Паводле сцвярджэння галоўнага ветэрынарнага ўрача Барысаўскага раёна Дзмітрыя Самойла, на працягу апошніх трох гадоў ва ўсіх сельскагаспадарчых арганізацыях рэгіёна значна павысілася якасць нарыхтоўваемых кармоў для грамадскай жывёлы. Напрыклад, летась упершыню не было выяўлена някласных кармоў ні ў адной са 128 закладзеных у гаспадарках сянажна-сіласных траншэй.
– Па сутнасці, так і павінна быць, таму што толькі ад якасных кармоў можна атрымаць належную аддачу прыбаўкай жывёлагадоўчай прадукцыі, – зазначыў Дзмітрый Мікалаевіч. – Не толькі вал павінен правіць баль, таму павышэнню якасці нарыхтоўваемых кармоў апошнім часам удзяляецца асаблівая ўвага з боку кіраўніцтва райвыканкама, кіраўніцтва і спецыялістаў райсельгасхарчу і райветстанцыі, кіраўнікоў і спецыялістаў гаспадарак. Непасрэдна ў сельгаспрадпрыемствах за кожнай траншэяй замацаваны адказныя работнікі з ліку кіраўнікоў структурных падраздзяленняў ці галоўных спецыялістаў, якія праз кожныя дзве гадзіны правяраюць вільготнасць паступаючай правяленай здробненай травяной сечкі, а таксама тэмпературу ўтрамбаванай сянажнай масы і запісваюць гэтыя звесткі ў спецыяльна заведзеных журналах.
Дарэчы, на базе райветстанцыі створаны мабільныя групы спецыялістаў, якія штодзённа выязджаюць у гаспадаркі і на месцы правяраюць выкананне ўсіх тэхналагічных патрабаванняў і тэхнічных рэгламентаў нарыхтоўкі кармоў. Пачынаючы ад скошвання бабовых і злакавых траў у найбольш аптымальнай фазе, калі яны ўтрымліваюць максімальную колькасць пажыўных рэчываў, і заканчваючы закладкай сянажнай масы і яе трамбоўкай. Акрамя так званага экспрэс-аналізу – праверкі вільготнасці і тэмпературы закладваемай масы непасрэдна ў траншэях, спецыялісты райветстанцыі бяруць пробы і ўжо ў лабараторыі робяць больш дасканалы аналіз, правяраюць утрыманне ў сянажнай масе караціну і сухога рэчыва.
Як запэўніў галоўны ветэрынарны ўрач раёна, сёлета падчас праведзеных яго падначаленымі праверак не было выяўлена ні аднаго факта парушэння тэхналогіі і тэхрэгламентаў закладкі сенажу ў траншэі і загортвання яго ў стрэйч-плёнку. Як і пры нарыхтоўцы сена. Па меркаванню Дзмітрыя Самойла, гэта сведчыць аб тым, што ва ўсіх гаспадарках якасць нарыхтоўваемых кармоў апошнім часам знаходзіцца пад неаслабнай увагай кіраўнікоў і спецыялістаў, таму і радавыя работнікі адносяцца да выканання сваіх абавязкаў на ўсіх этапах нарыхтоўкі кармоў з вялікай адказнас-
цю.
На наш погляд, у значнай ступені павышэнню якасці нарыхтоўваемых кармоў спрыяе і паляпшэнне тэхнічнай аснашчанасці сельгаспрадпрыемстваў сучаснай, высокапрадукцыйнай кормаўборачнай тэхнікай. Дзякуючы гэтаму з’явілася магчымасць за больш кароткі час упраўляцца як з касьбой траў, так і з запаўненнем сянажна-сіласных траншэй. А загортванне сенажу і сена ў стрэйч-плёнку забяспечвае, па сутнасці, стопрацэнтнае захаванне ў іх усіх пажыўных рэчываў.
…Не было заўважана ніякіх парушэнняў ні тэхналогіі, ні тэхнічных рэгламентаў і падчас наведвання на мінулым тыдні карэспандэнтам “А” разам са спецыялістамі райветстанцыі і прадстаўніком Барысаўскага міжраённага камітэта дзяржкантролю трох сельгаспрадпрыемстваў раёна – адкрытых акцыянерных таварыстваў “Забашавічы”, “Міраполле” і “БарысаўСаюзАгра”.
На малочна-таварнай ферме “Забашавічы” адкрытага акцыянернага таварыства з аднайменнай назвай у бетанаваную траншэю трэці дзень закладвалася здробненая бабова-злакавая сумесь з канюшыны, цімафееўкі і аўсяніцы лугавой. Яе трамбавалі трактарыст гаспадаркі Фёдар Буры на пагрузчыку “Амкадор-332” і механізатар Барысаўскай аграпрамтэхнікі Уладзімір Лыскавец на “Амкадор-352”. Адказная за закладку сенажу заатэхнік Таццяна Стрыжак запэўніла, што трамбоўка закладваемай сянажная масы арганізавана кругласутачна. Вільготнасць паступаючай травяной рэзкі адпавядае тэхнічнаму рэгламенту, і тэмпература масы не перавышае дапусцімых параметраў.
Словы спецыяліста пацвердзіла праверка ветэрынарнага ўрача, біяхіміка-таксіколага райветстанцыі Ганны Маеўскай: вільготнасць масы была ў межах 50 працэнтаў, а тэмпература – 31 градус.
На жывёлагадоўчым комплексе “Жыцькава” ААТ “Міраполле” заканчвалі запаўненне сянажнай траншэі ўмяшчальнасцю каля 2,5 тысячы тон масай з люцэрны, канюшыны і цімафееўкі. Кіраўнік аддзялення “Стара-Барысаў” Віктар Бабовіч паведаміў, што падвяленая рэзка закладваецца слоем не больш чым 25 сантыметраў і шчыльна ўтрамбоўваецца, пасля чаго кла-
дзецца другі слой. Строга захоўваюцца неабходныя параметры вільготнасці і тэмпературы, так што якасць корму павінна быць добрай. Замеры паказалі, што вільготнасць паступаючай масы не перавышала 50 працэнтаў, а тэмпература была 27 градусаў. Адпавядалі ўстаноўленым рэгламентам параметрам вільготнасць і тэмпература і бабова-злакавай сумесі, якая закладвалася на малочна-таварнай ферме “Клыпенка” ААТ “БарысаўСаюзАгра”.

Мікалай ЧАЛЕЙ, фота аўтара

Недабор першага ўкосу збіраюцца кампенсаваць атавай

У адкрытым акцыянерным таварыстве “Зембінскі” першай паспела да ўборкі сумесь люцэрны, канюшыны і цімафееўкі. Яе рашылі ўпакаваць у стрэйч-плёнку з тым, каб максімальна захаваць пажыўныя якасці гэтага высокабялковага корму.

– Усяго ў стрэйч-плёнку мы маем намер упакаваць 1650 тон сенажу з самых высокапрадуктыўных траў, – паведаміў галоўны аграном гаспадаркі Іосіф Зенкевіч. – Прычым пераважна з аддаленых палеткаў, з мэтай эканоміі сродкаў на транспарціроўку травяной масы. Усяго ж, згодна з намечаным рабочым планам, нам неабходна нарыхтаваць сенажу 16 тысяч тон, сіласу – каля 15 тысяч і сена – 510 тон. Каб мець на стойлавы перыяд утрымання грамадскай жывёлы на ўмоўную галаву не менш чым па 27 цэнтнераў кармавых адзінак. Для гэтага маецца 900 гектараў бабова-злакавых сумесей і 477 гектараў злакавых шматгадовых траў, а таксама 240 гектараў аднагадовых культур, частка якіх будзе выкарыстана на корм жывёле ў якасці “зялёнага канвеера”, а з астатняй плошчы будзе закладзены сянаж. Асноўную масу сена разлічваем нарыхтаваць з траў палепшаных і натуральных сенажацяў і пашы ў пойме ракі Гайна, якія займаюць звыш 200 гектараў, а астатнюю колькасць – з пасеянага спецыяльна для гэтай мэты каласоўніка безасцюковага. Для нарыхтоўкі сіласу пасеялі 850 гектараў кукурузы на зялёны корм. Акрамя гэтага, 50 гектараў кукурузы пасеяна на зерне. Для збалансаванасці корму па пажыўных рэчывах і абменнай энергіі маем намер забяспечыць у рацыёнах кармлення жывёлы суадносіны сенажу і сіласу ў прапорцыі 1:1, як рэкамендуюць вучоныя аграрнай навукі і патрабуе кіраўніцтва Мінсельгасхарчу.
Калі мы наведаліся ў гаспадарку ў мінулы аўторак, на полі за цэнтральнай сядзібай гаспадаркі, аграгарадком Зембін, механізатар Сяргей Зарэмба на трактары “МТЗ-1221” з ротарнай касілкай “КДН-3,1” касіў сумесь канюшыны з цімафееўкай. А крыху воддаль, на тым жа палетку, Мікалай Мікуліч на айчынным кормаўборачным камбайне “КВК-800” падбіраў правяленую траву. Здробненая сечка па ходу руху камбайна загружалася ў кузавы аўтамабіляў “МАЗ”, якія па меры запаўнення адвозілі яе ў сянажную траншэю фермы “Жарствянка”. Там механізатар Дзмітрый Дзямідчык пагрузчыкам “Амкадор-342” разраўніваў травяную сечку, а Уладзімір Струшкевіч старанна ўтрамбоўваў яе трактарам
“К-701”.
Паводле сцвярджэння галоўнага агранома, трамбоўка сянажнай масы арганізавана кругласутачна. За захаваннем усіх тэхналагічных патрабаванняў закладкі сенажу пільна сочыць брыгадзір вытворчага аддзялення “Зембін” Марына Яныбаева, якая праз кожную гадзіну правярае вільготнасць паступаючай травяной сечкі і тэмпературу закладзенай у траншэю сянажнай масы. Падчас нашага прыезду вільготнасць толькі што прывезенай травяной масы складала 48 працэнтаў, а тэмпература ўтрамбаванай – 27 градусаў. Гэтыя паказчыкі адпавядаюць тэхнічнаму рэгламенту закладкі сенажу.
Як адзначыў Іосіф Восіпавіч, сёлета з-за працяглых веснавых халадоў травы гаспадаркі недабралі каля 35 працэнтаў масы. Нягледзячы на тое, што ўсе кармавыя ўгоддзі былі своечасова падкормлены. Невысокая ўраджайнасць травастою, безумоўна, адмоўна паўплывае на аб’ёмы нарыхтоўкі кармоў з першага ўкосу. Аднак гэты недабор “зембінцы” мяркуюць кампенсаваць за кошт атавы, таму адразу ж пасля выслабанення травяных палеткаў яны падкармліваюцца азотнымі ўгнаеннямі. Чакаць жа нарошчвання травяной масы нельга, таму што можна страціць пажыўныя якасці корму, а гэта значыць, не атрымаць ад яго і належнай аддачы – запланаванага аб’ёму жывёлагадоўчай прадукцыі.
На касьбе траў, акрамя Сяргея Зарэмбы, у гэтыя дні заняты таксама Аляксандр Філончык на самаходнай касілцы “КПР-9” і Віктар Буцько на трактары “МТЗ-1221” з ротарнай касілкай “КДН-3,1”. А днямі Алег Рабецкі на трактары “МТЗ-1221” з касілкай “КРН-2,4” пачне касіць пойменныя лугі. На варушэнні травы і зграбанні яе ў валкі працуюць Аляксандр Білан і Міхаіл Адамейка на трактарах “МТЗ-82” з граблямі “ГВЛ-6,2” і “ГРЛ-8,5” адпаведна. На падборы і здрабненні правяленай травы, акрамя Мікалая Мікуліча, задзейнічаны Дзмітрый Пугач на камбайне “КЗР-10” і Вадзім Яраш на комплексе “КГ-6” “Палессе”. Бесперабойную адвозку здробненай травяной масы забяспечваюць 14 транспартных адзінак, сярод якіх 6 аўтасамазвалаў “МАЗ”, а таксама 5 трактароў розных мадыфікацый з вялікагрузнымі прычэпамі гаспадаркі, а таксама тры транспарт-ныя адзінкі мехатрада Барысаўскай Аграпрамтэхнікі. На прасаванні сена шчыруюць Андрэй Пятрашка на “МТЗ-3022” з прэс-падборшчыкам “Тарнада”, а таксама Міхаіл Адамейка і Пётр Дзямідчык на трактарах “МТЗ-82” з прэс-падборшчыкамі “ПРФ-750”. Земляробы гаспадаркі выкарыстоўваюць кожную пагодлівую гадзіну для таго, каб як мага хутчэй убраць першы ўкос траў і назапасіць запланаваны аб’ём высакаякасных кармоў.

Мікалай ЧАЛЕЙ, фота аўтара

 

Пачалі з уборкі ранніх злакаў

Летась жывёлаводы філіяла “Вялікія Навасёлкі” УП “Барысаўскі камбінат хлебапрадуктаў” ААТ “Мінскаблхлебапрадукт” надаілі ад адной фуражнай каровы па 8331 кілаграму малака, перавысіўшы адпаведны паказчык папярэдняга года на 2 тысячы кілаграмаў.
Сёлета стаіць задача дасягнуь па ўдою на карову дзевяцітысячнага рубяжа. Цяпер сутачныя надоі на карову складаюць 24 кілаграмы, што на 1,2 кілаграма больш мінулагодняга.
Паколькі ўвесь дойны статак гаспадаркі, які налічвае паўтары тысячы галоў, круглы год знаходзіцца на стойлавым утрыманні з аднатыпным кармленнем, то апошнім часам у філіяле асаблівая ўвага ўдзяляецца стварэнню для грамадскай жывёлы трывалай кармавой базы. Сёлета нарыхтоўку кармоў “навасельцы” пачалі ў апошніх чыслах мая, з уборкі ранніх злакавых траў.
Падчас наведвання гаспадаркі на мінулым тыдні механізатар Мікалай Антонаў на трактары “МТЗ-82” з граблямі-валкавальнікамі “ГРЛ-9,6” зграбаў у валкі скошаны напярэдадні райграс сорту “кантры” нямецкай селекцыі на пяцідзесяцігектарным полі за машынным дваром вёскі Навасёлкі. А літаральна ўслед за ім трактарыст Міхаіл Шчарбінін на трактары “МТЗ-1221” з імпартым рулонным прэс-падборшчыкам з абмотчыкам скручваў у рулоны і абматваў плёнкай правяленую траву з дабаўленнем біялагічнага кансерванта біясіл.
Як зазначыў галоўны аграном філіяла Мікалай Голуб, пры спрыяльных умовах надвор’я Міхаіл Шчарбінін за дзень скручвае з правяленай да вільготнасці 35-45 працэнтаў травы па паўтары сотні рулонаў сенажу вагой каля 800 кілаграмаў кожны. Такім прагрэсіўным спосабам за першыя тры дні было нарыхтавана больш чым 300 тон высакаякаснага сенажу ў рулонах, якога плануецца назапасіць не менш чым 3 тысячы тон. Летась, паводле сцвярджэння спецыяліста, на тым полі знялі пяць укосаў і агульная ўраджайнасць травяной масы склала каля 600 цэнтнераў з гектара. Ураджайнасць першага ўкосу гэтага года дасягнула 250 цэнтнераў з гектара.
– Сёлета мы маем намер назапасіць кармоў на ўзроўні мінулага года, – паведаміў Мікалай Уладзіміравіч. – Гэта значыць, што агульны аб’ём сенажу павінен скласці 25 тысяч тон, сіласу – 28 тысяч, сена – не менш чым 200 тон. З такім разлікам, каб на ўмоўную галаву жывёлы мелася па 27-28 цэнтнераў кармавых адзінак травяністых кармоў. А з улікам таго, што ў гаспадарцы засталіся мінулагоднія запасы сенажу і сіласу, забяспечанасць кармамі грамадскай жывёлы павінна скласці каля 120 працэнтаў да патрэбнай колькасці.
Для нарыхтоўкі запланаванага аб’ёму травяністых кармоў у гаспадарцы маецца 1920 гектараў шматгадовых і аднагадовых траў, у ліку якіх 490 гектараў люцэрны, 318 гектараў сумесі некалькіх сартоў райграсу нямецкай селекцыі, 250 гектараў злакавых траў на асушаных тарфяніках – купкоўкі зборнай і аўсяніцы лугавой, а на астатняй плошчы пасеяны бабова-злакавыя сумесі – канюшына з цімафееўкай.
Пасля скошвання пяцідзе-сяцігектарнага поля з райграсам механізатары Уладзімір Сманцар, Валерый Найдзёнаў і Іван Клімковіч з дзевяцімятровымі касілкамі пераехалі касіць пасеяныя на асушаных тарфяніках за вёскай Млёхава купкоўку зборную і аўсяніцу лугавую. На падборы і здрабненні правяленай травы задзейнічаны Уладзімір Голуб на імпартным кормаўборачным камбайне “BIGX”, а таксама Леанід Ермаловіч і Мікалай Чуес на айчынных камбайнах “КВК-800”. А на трамбоўцы сянажнай масы не першы год працуюць Аляксандр Акуліч і Аляксандр Бурніч на трактарах “К-701”, а таксама Альберт Даўцян і Сяргей Чычын на пагрузчыках “Амкадор-352”.
Паралельна з закладкай сенажу ў загадзя падрыхтаваныя, абліцаваныя бетоннымі плітамі траншэі паверхневага тыпу ў гаспадарцы вядзецца нарыхтоўка сена. Багаты вопыт прасавання сена мае заняты на гэтай рабоце Фёдар Чырва.
Паводле сцвярджэння Мікалая Голуба, на працягу апошніх гадоў падчас нарыхтоўкі кармоў асаблівая ўвага надаецца іх якасці. Для павышэння ўзроўню забяспечанасці жывёлы гаспадаркі раслінным бялком уласнай вытворчасці сёлета ў параўнанні з леташнім на 70 гектараў пашыраны пасевы люцэрны, і цяпер бабовы кампанент у агульным аб’ёме шматгадовых траў складае каля 80 працэнтаў. З мэтай захавання ў корме найбольшай колькасці пажыўных рэчываў касьбу траў пачынаюць з 4-5 гадзін раніцы. Злакавыя травы ўбіраюць у фазе пачатку выхаду мяцёлкі, а бабовыя – пры з’яўленні першых бутонаў. Пільна сочаць за захаваннем неабходных параметраў вільготнасці і тэмпературы закладваемай у траншэі сянажнай масы.
Дарэчы, якасць корму правяраецца ў лабараторыі галаўнога прадпрыемства – камбіната хлебапрадуктаў. Аналіз правераных дзвюх партый купкоўкі зборнай паказаў, што ў скошанай у першы дзень траве ўтрымлівалася 18,5 працэнта пратэіну, а ў скошанай на дзень пазней – на 2 працэнты менш.
Для нарыхтоўкі запланаванага аб’ёму сіласу ў гаспадарцы пасеяна 980 гектараў кукурузы, а яшчэ 110 гектараў на зерне. Прычым на 500 гектарах пасеяны французкі гібрыд “гітага”, які летась даў сярэднюю ўраджайнасць 129 цэнтнераў зерня з гектара, а на асобных участках намалочвалі па 140 цэнтнераў. Ураджайнасць зялёнай масы французскага гібрыда “шавокс” даходзіла да 800 цэнтнераў з гектара.

Мікалай ЧАЛЕЙ, фота аўтара

З выхадам кароў на пашу прыбавілася каля тоны малака

У гэтыя дні жывёлаводы падсобнай сельскай гаспадаркі “Чарневічы” ААТ “Барысаўскі завод агрэгатаў” надойваюць ад каровы па 17 кілаграмаў малака, што больш чым на 1 кілаграм перавышае ўдой за адпаведны перыяд мінулага года. Плюсуе гаспадарка ў параўнанні з леташнім і па валавому надою малака, і па яго рэалізацыі дзяржаве пры таварнасці 92,5 працэнта.
– Наша падсобная сельская гаспадарка трэці год запар забяспечвае станоўчую дынаміку росту вытворчасці малака,– паведаміў кіраўнік сельгаспрадпрыемства Уладзімір Пулькач.– Летась, напрыклад, удой на адну фуражную карову склаў 4920 кілаграмаў малака, перавысіўшы адпаведны паказчык папярэдняга года на 378 кілаграмаў. Поспех дасягаецца дзякуючы мэтанакіраванай, зладжанай рабоце зоаветспецыялістаў і радавых працаўнікоў, а таксама стараннай працы іншых работнікаў гаспадаркі па стварэнню трывалай кармавой базы для грамадскай жывёлы і паляпшэнню якасці кармоў. На гэты год перад работнікамі жывёлагадоўчай галіны пастаўлена задача надаіць ад кожнай каровы не менш чым па 5500 кілаграмаў і цяпер спецыялістамі і радавымі жывёлаводамі робіцца ўсё магчымае для дасягнення намечанага. Вынікі чатырох месяцаў сведчаць аб тым, што дасягнуць пастаўленай мэты рэальна, паколькі з самага пачатку года мы плюсуем як па ўдою на карову, так і па валавой вытворчасці малака. А з пераводам кароў на пашу прыбаўка малака склала каля 1000 кілаграмаў…
Дойны статак гаспадаркі налічвае 409 кароў, якія разбіты на тры гурты. Для кожнага гурта выдзелена асобная многакампанентная паша інтэнсіўнага тыпу з наборам злакавых і бабовых траў розных тэрмінаў паспявання, на адлегласці ад 350 да 700 метраў ад малочна-таварнай фермы “Шабынькі”. У сярэднім на галаву жывёлы прыходзіцца каля 39 сотак пашы, за якой арганізаваны належны догляд: падкормкі і падкошванні. Акрамя скошвання рэшткаў травы страўленай пашы, арганізоўваецца і апера-джальнае падкошванне перарастаючага травастою, які пазней высушваецца і выкарыстоўваецца для нарыхтоўкі сена маладняку буйной рагатай жывёлы.
На палетках гаспадаркі пераважае пясчаная глеба, на якой травы хутка выбіваюцца капытамі жывёлы. Таму з мэтай павышэння прадукцыйнасці многакампанентнай пашы штогод па 30-40 гектараў яе падсяваецца новымі травамі ці перазалужаецца. Вось і гэтай вясной, напрыклад, падсеяна 45 гектараў пашы.
Сёлета ў ПСГ “Чарневічы” на пашавае ўтрыманне кароў пачалі пераводзіць з 5 мая. У першы дзень жывёлу выгналі на дзве гадзіны, а потым час пасьбы паступова павялічвалі да чатырох, шасці, васьмі гадзін, прыкармліваючы кароў кормасумесямі па зімоваму рацыёну. А з 12 мая поўнасцю перайшлі на графік летне-пашавага перыяду ўтрымання жывёлы. Пасуцца каровы з 4 да 10 гадзін раніцы, да пачатку ранішняй дойкі. Пасля завяршэння даення кароў зноў выганяюць на пашу, дзе яны пасуцца да 20 гадзін 30 мінут, пакуль не пачынаецца вячэрняя дойка.
Паколькі паша для ўсіх трох гуртоў знаходзіцца на невялікай адлегласці ад МТФ, то даіць кароў прыганяюць на ферму. У даільнай зале больш спрыяльныя ўмовы, чым на перасовачных даільных устаноўках, для павышэння якасці малака. Пакуль жа ўсё малако гаспадаркі адпраўляецца на перапрацоўчае прадпрыемства вышэйшым гатункам, але перад жывёлаводамі пастаўлена задача не менш чым палавіну прадукцыі здаваць “экстрай”.
Паводле сцвярджэння Уладзіміра Пулькача, у гэтыя дні ў гаспадарцы вядуцца апошнія прыгатаванні да нарыхтоўкі кармоў на зімова-стойлавы перыяд утрымання жывёлы. Для стварэння трывалай кармавой базы для грамадскага статку, які налічвае 1200 галоў буйной рагатай жывёлы, запланавана назапасіць 5580 тон сенажу, 4080 тон сіласу і 288 тон сена. Каб мець на ўмоўную галаву жывёлы не менш чым па 27 цэнтнераў кармавых адзінак травяністых кармоў. А паколькі з мінулага года засталося1200 тон сіласу і тысяча тон сенажу, то сёлета, як і летась, мяркуецца стварыць паўтарагадавы запас кармоў.
Для нарыхтоўкі запланаванага аб’ёму травяністых кармоў у гаспадарцы маецца 406 гектараў шматгадовых траў, 128 гектараў палепшаных лугавых угоддзяў і 200 гектараў кукурузы. Будуць выкарыстаны на корм і сумесі аднагадовых культур.
Кормаўборачная тэхніка своечасова адрамантавана і гатова ўключыцца ў работу. На касьбе траў будуць задзейнічаны навясная дзевяцімятровая касілка “КПР-9” і дзве ротарныя касілкі “КДН-3,1”, а на падборы правяленай масы – два падборшчыкі “УЭС-2-250”. Гатовы да работы граблі-валкавальнікі “ГВЛ-8,5”, а таксама закуплены новыя граблі “ГВР-6” для варушэння травы на сена. Для прэсавання сена маюцца два рулонных прэс-падборшчыкі “ПРФ-180”, а таксама прэс-падборшчык з абмотчыкам “Майстар”, які будзе загортваць сена і сянаж у стрэйч-плёнку. На адвозцы сянажнай масы будуць задзейнічаны чатыры аўтасамазвалы завода агрэгатаў, а таксама трактары з прычэпамі “ПІМ-20”, “ПТС-9” і “ПТС-4”, а на трамбоўцы – два пагрузчыкі – “Амкадор-352” і “Амкадор-342”.

Мікалай ЧАЛЕЙ, фота аўтара

Даводзіцца працаваць паскоранымі тэмпамі

Механізатар ПСГ “Чарневічы” ААТ “Барысаўскі завод агрэгатаў” Сяргей САСКАВЕЦ пры спрыяльным надвор’і за дзень апрацоўваў да 100 гектараў пасеваў.
Хаця сяўба яравых культур у сельскагаспадарчых арганізацыях раёна па сутнасці завершана, тым не менш палявыя работы працягваюцца. У гэтыя дні механізатары заканчваюць хімпраполку азімых збожжавых культур, а палеткі з азімым рапсам апрацоўваюцца інсектыцыдамі супраць шкоднікаў.
Як паведаміла галоўны аграном – дзяржаўны інспектар дзяржаўнай інспекцыі па насенняводству, каранціну і ахове раслін па Барысаўскаму раёну Наталля Мінгазава, пад азімымі збожжавымі культурамі сёлета занята 15,6 тысячы гектараў, аднак згодна з планам патрабавалася прапалоць 12,5 тысячы гектараў, на якіх пасеяны азімая пшаніца, азімая трыцікале і насенныя ўчасткі азімага жыта.
На значнай частцы плошчы азімых збожжавых культур хімпраполка была зроблена яшчэ восенню. Але вясной месцамі з’яўляецца яравое пустазелле, таму на асобных палетках хімпраполку давялося праводзіць паўторна.
У сувязі з тым, што доўгі час трымалася халоднае надвор’е з начнымі замаразкамі, а пасля пайшлі зацяжныя дажджы, работы па хімпраполцы пасеваў азімых збожжавых культур былі часова прыпынены. Таму да сярэдзіны мая гэта работа была выканана на плошчы каля 7,7 тысячы гектараў, што склала 61 працэнт ад запланаванага аб’ёму. Забяспечанасць гаспадарак прэпаратамі для хімпраполкі азімых збожжавых культур складае 81 працэнт да патрэбнай колькасці – на 10 тысяч гектараў.
А вось прэпараты для хімпраполак азімага рапсу дапамагло набыць унітарнае прадпрыемства “Барысаўскі камбінат хлебапрадуктаў” ААТ “Мінскаблхлебапрадукт”, таму гаспадаркі забяспечаны імі поўнасцю. Агульная плошча азімага рапсу складае 5,2 тысячы гектараў. Частка пасеваў была праполата восенню, таму вясной планавалася апрацаваць толькі 2,6 тысячы гектараў. Аднак у сувязі з тым, што па некаторых пасевах пайшло злакавае пустазелле, на якое ўздзейнічаюць спецыфічныя прэпараты, давялося ўнесці некаторую карэкціроўку ў раней намечаныя планы і прапалоць рапс на плошчы звыш 4 тысяч гектараў.
– З-за неспрыяльных умоў надвор’я выйшла невялікая затрымка і з хімпраполкай азімага рапсу, таму што прымяняць хімпрэпараты на гэтай культуры можна, калі сярэднясутачная тэмпература паветра не ніжэй чым плюс 10-12 градусаў, – патлумачыла Наталля Уладзіміраўна. – Але гэта затрымка не нанесла шкоды культуры, таму што з-за халадоў расліны былі ў стрэсавым стане і фазы іх развіцця запаволіліся. Больш таго, у некаторым сэнсе пахаладанне дало нават станоўчы эфект. Пры нізкіх тэмпературах на пасевах азімага рапсу не адбылося масавага распаўсюджвання сцеблевага скрытнахобатніка, і гэты шкоднік не нанёс раслінам вялікіх пашкоджанняў, таму не спатрэбілася праводзіць супраць яго апрацоўку пасеваў, і тым самым зэканомлены пэўныя фінансавыя сродкі. А вось па рапсаваму кветаеду практычна ва ўсіх гаспадарках дасягнуты эканамічны парог шкоднасці – з’яўленне на раслінах па 3-5 шкоднікаў. Таму апошнім часам паўсюдна праводзяцца апрацоўкі пасеваў азімага рапсу інсектыцыдамі, якімі гаспадаркі забяспечаны на 90 працэнтаў з разліку правядзення дзвюх апрацовак гэтай культуры на ўсёй плошчы ў 5 тысяч гектараў.
Што тычыцца яравых збожжавых і зернебабовых культур, якія размешчаны на плошчы больш чым 13 тысяч гектараў, то да іх хімпраполкі гаспадаркі яшчэ не прыступалі, таму што з-за халоднага надвор’я пакуль не наступіла неабходная фаза развіцця раслін – па 2-3 сапраўдныя лісточкі. Па гэтай жа прычыне на пасевах яравых культур не назіраецца і масавага з’яўлення пустазелля. Так што апрацоўваць іх пакуль няма сэнсу. Між іншым, неабходнымі прэпаратамі для хімпраполкі яравых збожжавых і зернебабовых культур гаспадаркі забяспечаны толькі напалавіну да патрэбнай колькасці.
Паводле сцвярджэння Наталлі Мінгазавай, апрацоўка пасеваў азімых збожжавых культур і азімага рапсу арганізавана вя-дзецца практычна ва ўсіх сельгаспрадпрыемствах раёна. Толькі працаваць вяскоўцам даводзіцца паскоранымі тэмпамі, каб не ўпусціць час і аптымальныя фазы развіцця раслін. Таму яны стараюцца максімальна эфектыўна выкарыстоўваць кожную пагодлівую гадзіну.
…Калі ў мінулы чацвер мы наведаліся ў ПСГ “Чарневічы” ААТ “Барысаўскі завод агрэгатаў”, механізатар Сяргей Саскавец на трактары “МТЗ-82” выпушчаным на заводзе “БАТЭ” апырсквальнікам “Еўропа-3024” заканчваў апрацоўку пасеваў азімага рапсу супраць рапсавага кветаеда на полі каля вёскі Пабярэжжа. Як паведаміў кіраўнік гаспадаркі Уладзімір Пулькач, раней гэты механізатар самаходным апырсквальнікам “Раса” зрабіў дзве падкормкі ўсіх азімых збожжавых культур і азімага рапсу, а таксама падкарміў 100 гектараў яравых збожжавых. А “Еўропай” правёў хімпраполку 180 гектараў азімых збожжавых і ўсіх 190 гектараў азімага рапсу.

Мікалай ЧАЛЕЙ, фота аўтара

Заготовить корма высокой питательности

На очередном заседании районного исполнительного комитета обсужден вопрос «О задачах, стоящих перед сельскохозяйственными организациями района по заготовке кормов».
Выступивший с информацией первый заместитель председателя, начальник управления сельского хозяйства и продовольствия Борисовского райисполкома Анатолий Козел отметил, что для увеличения объема валового производства сельскохозяйственной продукции в 2017 году необходимо обеспечить животноводство кормами в нужном количестве, высокой питательности и энергетической ценности. На 2017 год запланировано получить валовое производство молока в объеме 77187 т, удой молока на одну фуражную корову – 5127 кг, среднесуточный привес КРС – 658 г, продукции выращивания КРС – 5911 т. Численность КРС на 1 января 2017 года составляла 38620 голов, в том числе молочных коров – 15018 голов.
С целью обеспечения скота кормами в сельхозорганизациях района необходимо заготовить 511,8 тыс. т кормов в пересчете на кормовые единицы, с учетом полуторагодичного запаса. В том числе травянистых кормов – 90,4 тыс. т. к. ед. (в прошлом году было 77,4 тыс.т. к.ед.), на условную голову скота – 29 ц.к.ед.
(+ 2,6 ц.к.ед. к 2016 году). В физическом весе необходимо заготовить 6,4 тыс. т сена, 169,5 тыс. т сенажа и 142,5 тыс. т силоса. Для выполнения задания, на основании продуктивности кормовых угодий, на заготовку кормов отведено 7492 га кукурузы (плюс около 700 га на зерно), 13691 га улучшенных луговых угодий и 12759 га многолетних трав, в числе которых 5655 га бобовых в чистом виде, 5013 га бобово-злаковых смесей и 2091 га злаковых. Из кукурузы при средней урожайности не менее 220 центнеров с гектара и при содержании в одном килограмме натурального корма 30-35% сухого вещества планируется заготовить весь объем силоса – 142,5 тыс. т.
Для бесперебойного обеспечения общественного поголовья скота зеленой массой в летне-пастбищный период в районе разработана схема зеленого конвейера. Она предусматривает полное удовлетворение потребностей в сочных кормах всех категорий КРС по месяцам. Важным источником для обеспечения зеленой массой животных являются однолетние травы. Их запланировано посеять с разными сроками сева на выпас и зеленую подкормку на площади 4086 га (посеяно 2,5 тыс. га, что составляет 60% к плану). Они будут использоваться на протяжении всего летне-пастбищного периода и компенсировать недобор зеленой массы на пастбище, начиная со второй половины летне-пастбищного периода.
Для обеспечения скота зеленой массой в летне-пастбищный период в районе имеется 3104 га многокомпонентных долголетних пастбищ. Кроме этого, в текущем году планируется заложить дополнительно многокомпонентные пастбища на площади 570 га. Улучшенные сенокосы и пастбища подкормлены азотными удобрениями на площади 4523 га, ведутся работы по их перезалужению.
Площадь лугопастбищных угодий в районе составляет 21009 га, из которых улучшенные луговые угодья занимают 13691 га,
естественные луговые угодья – 7318 га. С данных луговых угодий планируется заготовить часть сенажа и 6,4 тыс. т сена.
Кроме многолетних трав, под уборку для заготовки сенажа в наличии имеется 3750 га люцерны и одновременно продолжаются работы по ее посеву (125 га, что составляет 23% к плану). Задание по подсеву многолетних трав на пашне по району составляет 4264 га (посеяно 4389 га, или 103% к плану), в том числе бобовых – 3174 га, люцерны – 540 га.
Для проведения заготовки кормов в сжатые агротехнические сроки в районе имеется 44 кормоуборочных комбайна, в том числе 11 «КВК-800», 4 импортных комбайна и 29 «УЭС-2-250А», 73 тракторные косилки, 40 тракторных граблей, в числе которых 24 грабли-валкообразователи, 62 прицепа для перевозки кормов, 19 машин для трамбовки зеленой массы, 64 пресс-подборщика, 38 автомобильных весов.
Готовность кормоуборочных комбайнов составляет 91%, тракторных косилок – 77%, специальных прицепов для перевозки кормов – 82%, пресс-подборщиков – 76%, граблей – 95%. В настоящий момент в сельхозорганизациях ведется техническое обслуживание кормоуборочной техники. Кроме того, с целью уменьшения нагрузки и сохранения качества заготавливаемых кормов дополнительно планируется приобретение техники по договорам финансового лизинга.
Для хранения заготавливаемых кормов для общественного скота в сельскохозяйственных организациях района имеются 162 сенажно-силосные траншеи, 75% которых находятся в нормальном состоянии, а по остальным в настоящее время ведутся работы по их текущему ремонту и подготовке к закладке сенажа и силоса.
В ходе обсуждения вынесенного на заседание райисполкома вопроса были заслушаны отчеты ряда руководителей о готовности сельскохозяйственных организаций к заготовке кормов: ОСП – филиал «Нивки» УП «Бумажная фабрика» Гознака Михаила Капитоненко, ОАО «Зембинский» Дмитрия Лапцуева, АЖХ ОАО «Борисовский завод «Автогидроусилитель» Бориса Козловского, АЖХ «Черневичи» ОАО «Борисовский завод агрегатов» Владимира Пулькача, ОАО «БорисовСоюзАгро» Вадима Демидчика.
Выступивший на заседании председатель Борисовского райисполкома Владимир Миранович обратил внимание присутствующих на необходимость соблюдения всех технологических регламентов заготовки кормов на всех этапах с целью получения высококачественного корма. Скашивать травы в той фазе их развития, когда они имеют наибольшее количество питательных веществ, а закладывать измельченную массу в траншеи – строго соблюдая рекомендуемые учеными аграрной науки и специалистами параметры влажности, температуры и сроков заполнения траншей, обязательно используя биологические консерванты.
Учитывая то обстоятельство, что в некоторых сельхозпредприятиях еще имеются кормовые угодья четвертого и последующих годов использования (от 6 до 10% от общей площади многолетних трав), Владимир Владимирович настойчиво рекомендовал их руководителям низкопродуктивные угодья запахать и пересеять однолетними культурами. А также потребовал завершить сев кукурузы в ближайшие дни с тем, чтобы к уборке она смогла подойти в фазе молочно-восковой и восковой спелости. Только в таком случае можно будет получить из кукурузы качественный энергетический корм и рассчитывать на повышение продуктивности животных и прибавку продукции.

Наш корр.

НЕПАГАДЗЬ ЗАМАРУДЗІЛА ТЭМПЫ ПАСЯЎНОЙ

Земляробы ААТ “Аграфірма імя Суворава” ў ліку першых сярод гаспадарак раёна завяршылі сяўбу ранніх яравых збожжавых і зернебабовых культур. А на мінулым тыдні прыступілі да сяўбы кукурузы.
– Яшчэ да свята Вялікадня ў нашай гаспадарцы было пасеяна 337 гектараў яравой пшаніцы, 150 – ячменю, 70 – аўса і 120 гектараў зернебабовых культур, – паведаміла галоўны аграном аграфірмы Людміла Хацкевіч. – І ўжо практычна завяршаецца сяўба аднагадовых культур на зялёны корм, якія размесцяцца на плошчы 250 гектараў. Застаецца пасеяць 620 гектараў кукурузы, 40 гектараў грэчкі, а таксама пасадзіць 70 гектараў бульбы. Двойчы праведзены падкормкі азімых збожжавых культур, якія былі пасеяны на плошчы 688 гектараў, і 320 гектараў азімага рапсу. Падкормлены таксама сенажаці і паша. На жаль, непагадзь з начнымі замаразкамі і працяглымі дажджамі доўгі час не дазваляла праводзіць хімпраполкі пасеваў, хаця аптымальныя тэрміны ўжо на зыхо-дзе, яна ж замарудзіла і тэмпы пасяўной кампаніі. Тым не менш, нашы механізатары выбарачна, па меры магчымасці, працягвалі ўносіць і заворваць мінеральныя і арганічныя ўгнаенні пад бульбу і кукурузу, а таксама рыхтаваць глебу на тых палях, дзе магла прайсці тэхніка.
Паводле сцвярджэння галоўнага агранома, управіцца з сяўбой ранніх яравых збожжавых і зернебабовых культур у сціслыя аптымальныя тэрміны гаспадарцы ўдалося дзякуючы зладжанай арганізацыі ўсяго комплексу веснавых палявых работ, а таксама стараннай працы механізатараў, якія, можна сказаць, штодзённа перавыконвалі ўстаноўленыя нормы выпрацоўкі і даведзеныя заданні. Наяўных пяць энерганасычаных трактароў з шыроказахватнымі камбінаванымі глебаапра-цоўчымі і пасяўнымі агрэгатамі працавалі практычна ўвесь светлавы дзень. Для занятых у полі механізатараў і вадзіцеляў прама да месца іх работы дастаўляюцца гарачыя абеды. Штодзённа падводзяцца вынікі працы з выпускам бюлетэняў, у якіх адлюстраваны паказчыкі работы кожнага працаўніка і яго заработная плата.
Падчас наведвання гаспадаркі на мінулым тыдні пасля зацяжных дажджоў механізатары Леанід Іллюшонак і Мікалай Емяльянаў на энерганасычаных трактарах “МТЗ-3022” і “МТЗ-3522” адпаведна з вялікагрузнымі прычэпамі “ПМФ-18” за вёскай Хаўхоліца ўносілі пад кукурузу арганічныя ўгнаенні, якія пагрузчыкам “Амкадор-352” пагружаў прыкамандзіраваны з мехатрада ААТ “Барысаўская Аграпрамтэхніка” Андрэй Мігуцкі. Штодзённа абодва трактарысты ўносяць па 400 тон арганікі, якая без прамару-джвання, практычна ўслед заворваецца плугамі. Пасля гэтага камбінаваным шыроказахватным агрэгатам “АКШ” рыхтуецца глеба пад сяўбу.
Як запэўніла Людміла Леанідаўна, арганічныя ўгнаенні пад бульбу ўжо ўнесены і заараны, па 70 тон на гектар. Палеткі, на якіх будзе размешчана “каралева палёў”, апрацаваны гліфасатамі і атрымаюць запраўку “вітамінамі ўрадлівасці” з разліку па 60 тон на гектар. Часткова арганічныя ўгнаенні ўносіліся і пад яравыя збожжавыя культуры, таму ўсяго вясной іх павінна быць унесена не менш чым 30 тысяч тон. Апроч гэтага, яшчэ каля 7 тысяч тон арганікі было за-
арана ў глебу восенню, так што ў “сувораўцаў” ёсць падставы спадзявацца на добры ўраджай усіх культур, калі гэтаму паспрыяе яшчэ і “нябесная канцылярыя”.
…За цэнтральнай сядзібай гаспадаркі, аграгарадком Забалоцце, механізатар Леанід Галадок на трактары “МТЗ-82” у той дзень спрабаваў сеяць кукурузу, але пераўвільготненая глеба забівала сашнікі сеялкі, таму сяўба была спынена. Галоўны аграном прапанавала трактарысту пераехаць на “хаўхоліцкае” поле, на якім, паводле яе меркавання, глеба павінна быць сушэйшай.
На другім палетку механізатар Андрэй Галькевіч на трактары “МТЗ-1221” з камбінаваным шароказахватным глебаапрацоўчым агрэгатам “АКШ-6” рыхтаваў глебу пад кукурузу. Ён таксама паскардзіўся, што па прычыне вялікай набрыняласці глебы вільгаццю з-за працяглых дажджоў трактар не ўсюды можа праехаць, асабліва цяжка яму ўздымацца на пагоркі. Людміла Леанідаўна прапанавала выбіраць больш падсохлыя ўчасткі, а на пакінутыя вярнуцца пазней…

Мікалай ЧАЛЕЙ, фота аўтара

ПЕРШЫМІ ПАСЕЯЛІ РАННІЯ ЗБОЖЖАВЫЯ

Земляробы АЖГ “Траянаўка” ААТ “БАТЭ” – кіруючая кампанія холдынгу “Аўтакампаненты” першымі ў раёне завяршылі сяўбу ранніх збожжавых каласавых і зернебабовых культур. Да 5 красавіка яны былі пасеяны на плошчы 380 гектараў, у ліку якіх 160 гектараў яравой пшаніцы, 110 – ячменю, 60 – аўса і 50 – зернебабовых.
Паводле слоў памочніка генеральнага дырэктара ААТ “БАТЭ” па сельскагаспадарчай вытворчасці Уладзіміра Несцяронка, правядзенню сяўбы ранніх яравых каласавых і зернебабовых культур за максімальна кароткі час паспрыялі своечасовая і якасная падрыхтоўка тэхнікі і насеннага матэрыялу, назапашванне неабходнай колькасці мінеральных угнаенняў, а таксама арганізацыя зла-джанай работы ўсяго комплексу веснавых палявых работ. І старанная праца механізатараў на падрыхтоўцы глебы, унясенні мінеральных угнаенняў, сяўбе, падкормцы азімых збожжавых культур і азімага рапсу.
– Сяўбу аўса мы пачалі 15 сакавіка на вытворчым участку “Масцішча” на вызначаных з восені палях згодна з распрацаваным агранамічнай службай севазваротам, – паведаміў Уладзімір Мікалаевіч. – Падбіралі найбольш падсохшыя ўчасткі, па якіх маглі праехаць трактары. Папярэдне на закрыццё вільгаці запускалі чызельныя культыватары, за якімі ішоў дыскатар. Згодна з картаграмамі палёў пад запланаваную ўраджайнасць, а сёлета мы запланавалі сабраць на круг не менш чым па 40 цэнтнераў збожжавых культур у амбарнай вазе, уносіліся неабходныя дозы мінеральных угнаенняў. І толькі пасля гэтага ў работу ўключаўся камбінаваны глебаапрацоўча-пасяўны агрэгат. Рабочым планам было намечана пасеяць раннія збожжавыя і зернебабовыя культуры да 5 красавіка, і нашы механізатары здолелі ўкласціся ў вызначаны тэрмін. Хаця часам некаторыя карэктывы ў работу ўносіла надвор’е з начнымі замаразкамі. А аднойчы зусім нечакана нават выпаў снег, пакрыўшы зямлю слоем каля 10 сантыметраў. Але той свежы снег хутка растаў, таму ніякай шкоды будучым пасевам ад яго не павінна быць.
Адзін з вопытнейшых механізатараў гаспадаркі Сяргей Быкаў на трактары “Фэндт” камбінаваным глебаапрацоўча-пасяўным агрэгатам “Рабэ” пры спрыяльным надвор’і штодзённа засяваў больш чым па 40 гектараў і адзін пасеяў раннія яравыя збожжавыя і зернебабовыя культуры на ўсёй запланаванай плошчы. На падрыхтоўцы глебы старанна папрацавалі механізатары Яўген Патроцан і Аляксандр Сыцік з чызельнымі культыватарамі, а таксама Ігар Стаяглазаў з дыскатарам. Штодзённа працуючы па 10-12 гадзін на ўнясенні мінеральных угнаенняў агрэгатам “РДУ-1,5” на трактары “МТЗ-82”, значна перавыконваў даведзеныя заданні Сяргей Мыцько. А механізатар Аляксей Бабавоз на самаходным апырсквальніку “Раса” два разы правёў падкормку
“КАСам” усіх пасеваў азімых збожжавых культур, якія сёлета размешчаны ў гаспадарцы на плошчы 980 гектараў. Паспрыяла поспеху гэтага механізатара своечасовая дастаўка на палі вадкага комплекснага ўгнаення вадзіцелем “КАМАЗа” Аляксеем Захаравым.
Як адзначыў Уладзімір Мікалаевіч, перад пачаткам веснавых палявых работ на двух сходах механізатараў былі вызначаны канкрэтныя тэрміны правя-дзення пасяўной кампаніі, да людзей даведзены зацверджаныя кіраўніцтвам сельгаспрадпрыемства расцэнкі, умовы асноўнай і дадатковай аплаты па ўсіх відах работ, звернута ўвага на строгае захаванне тэхнічных рэгламентаў і агратэхнічных прыёмаў, а таксама правілаў тэхнікі бяспекі. Так, за перавыкананне даведзенага дзённага задання на ўсіх відах работ пры іх якасным выкананні акрамя асноўнага заробку налічваюцца прэміяльныя. Апроч гэтага, пасля правядзення абследавання пасеваў ужо пасля з’яўлення ўсходаў дадаткова будуць выплачаны прэміяльныя за добрую якасць у памеры 30 працэнтаў ад асноўнага заробку. А пасля завяршэння ўборкі вырашчанага ўраджаю кожнаму механізатару і вадзіцелю ў якасці натураплаты будзе выдавацца зерне на кожны зароблены рубель. Гэта сістэма стымулюе людзей выконваць даручаную работу ў вызначаны тэрмін і якасна, таму што ад атрыманага ўраджаю напрамую залежыць памер як іх асноўнага заробку, так і дадатковай натураплаты.
– Пасля заканчэння сяўбы ранніх збожжавых і зернебабовых культур Сяргей Быкаў пераключыўся на сяўбу аднагадовых культур на зялёны корм, якія павінны быць размешчаны на плошчы 250 гектараў, – дапаўняе свой расказ кіраўнік аграрна-жывёлагадоўчай гаспадаркі. – Цяпер на палетках працуе, па сутнасці, уся тэхніка сельгас-прадпрыемства. Працягваюцца работы па ўнясенню і заворванню арганічных угнаенняў пад кукурузу, якіх запланавана ўнесці па 70-80 тон на кожны з 270 гектараў, а таксама пад люцэрну, якая будзе пасеяна на плошчы 40 гектараў. Вядзецца падкормка мінеральнымі ўгнаеннямі сенажацяў і пашы, а пры спрыяльных умовах надвор’я будзе арганізавана і хімпраполка азімых збожжавых культур і азімага рапсу з адначасовым унясеннем набытых загадзя мікра- і макраэлементаў. А праз некалькі дзён нашы рамонтнікі і механізатары пачнуць рамонт і падрыхтоўку да работы кормаўборачнай тэхнікі, асноўныя запасныя часткі да якой ужо закуплены.
Як адзначыў Уладзімір Несцяронак, значную дапамогу ў рамонце сельскагаспадарчай тэхнікі аказваюць гаспадарцы завадчане, якія пры неабходнасці не толькі рэстаўрыруюць, але і вырабляюць некаторыя новыя вузлы і дэталі. За што вяскоўцы выказваюць гарадскім памочнікам шчырыя словы ўдзячнасці. Больш таго, пасля праведзеных выпрабаванняў у гаспадарцы абкатваецца выраблены на заводзе “БАТЭ” новы айчынны раскідвальнік арганічных угнаенняў, які лягчэйшы, больш манеўраны і амаль у паўтара раза больш прадукцыйны за існуючыя аналагі.

Мікалай ЧАЛЕЙ, фота аўтара

Практычны экзамен для маладога спецыяліста

Таццяна Казначэева пасля заканчэння Беларускай сельскагаспадарчай акадэміі атрымала размеркаванне на работу на Барысаўшчыну і прызначана галоўным аграномам ААТ “БарысаўСаюзАгра”. Для маладога спецыяліста першая пасяўная кампанія, па сутнасці, з’яўляецца сур’ёзным практычным экзаменам, які яна мае цвёрды намер паспяхова вытрымаць.
У размове з карэспандэнтам газеты новаспечаны вучоны аграном прызналася, што набытых падчас вучобы ў акадэміі тэарэтычных ведаў ёй яўна недастаткова, таму яна не саромеецца звяртацца за парадамі-кансультацыямі да свайго папярэдніка, Аляксея Мікалаевіча Касцюковіча, які доўгі час узначальваў агранамічную службу гаспадаркі і мае багаты практычны вопыт. Менавіта зладжаная работа тандэма маладога і вопытнага спецыялістаў спрыяе таму, што ўдаецца хутчэй разбірацца ў складаных сітуацыях і аператыўна вырашаць узнікаючыя праблемы. Безумоўна, пры непасрэднай падтрымцы дырэктара акцыянернага таварыства Вадзіма Сяргеевіча Дзямідчыка. Таму цяпер у сельгаспрадпрыемстве належным чынам арганізаваны ўвесь комплекс веснавых палявых работ, а тамтэйшыя земляробы ў ліку першых у раёне пачалі сяўбу ранніх яравых збожжавых культур.
Паводле сцвярджэння галоўнага агранома, у гаспадарцы яшчэ на мінулым тыдні завяршылі першую падкормку азімых збожжавых культур на ўсёй плошчы 1017 гектараў КАСам, з разліку па 60 кілаграмаў на гектар дзеючага рэчыва азоту. Падкормлены і 450 гектараў азімага рапсу, які выйшаў з зімы ў нядрэнным стане, як і азімыя збожжавыя культуры. Атрымалі падсілкаванне мінеральнымі тукамі і 160 гектараў палепшаных сенажацяў і пашы з наяўных 505 гектараў. Да таго часу было пасеяна каля паўтары сотні гектараў яравых збожжавых культур і 40 гектараў аднагадовых траў на зялёны корм, падсеяна 137 гектараў шматгадовых траў.
– Яравыя збожжавыя і зернебабовыя культуры нам неабходна пасеяць на плошчы 1080 гектараў, у тым ліку 500 гектараў ячменю, 350 – яравой пшаніцы, 80 гектараў аўса і 150 гектараў зернебабовых, – уводзіць у курс спраў Таццяна Мікалаеўна. – Кукуруза размесціцца на 1000 гектарах, з якіх 150 гектараў мяркуем убраць на зерне, а астатнюю плошчу – на зялёную масу, паколькі ў гаспадарцы вялікае пагалоўе жывёлы, якую неабходна забяспечыць надзейным запасам кармоў…
У дзень наведвання гаспадаркі на мінулым тыдні каля канторы на цэнтральнай сядзібе, у аграгарадку Аздзяцічы, флаг працоўнай славы быў узняты ў гонар механізатара Мікалая Крываносенкі, які напярэдадні на трактары “Фэндт” сеялкай “Рабэ” пасеяў збожжавыя культуры на плошчы 34 гектары, выканаўшы даведзенае заданне на 162 працэнты. Вывешаны побач “Баявы лісток” паведамляў, што на ўнясенні арганічных угнаенняў вызначыліся механізатары Сяргей Клячкоўскі і Віктар Ванковіч, якія на трактарах ”МТЗ-1221” з прычэпамі “ПРТ-7” вывезлі і ўнеслі больш чым па 180 тон арганікі, перавыканаўшы дзённыя заданні. А ў бюлетэні аб ходзе веснавых палявых работ адзначаліся працоўныя поспехі Сяргея Мікуліча на культывацыі глебы і Андрэя Градовіча на падсеве шматгадовых траў. У тым жа бюлетэні засведчана выдатная якасць работы ўсіх без выключэння названых вышэй механізатараў, а таксама заробак кожнага за мінулы дзень. Напрыклад, у Мікалая Крываносенкі ён склаў без малога 50 рублёў.
Адзін з лепшых механізатараў гаспадаркі ў той дзень заканчваў сяўбу яравой пшаніцы на 55-гектарным полі першай брыгады за вёскай Аздзяцічы, пасля чаго павінен быў пераязджаць у другую брыгаду сеяць авёс за вёскай Ябланка. У той жа першай брыгадзе, толькі на іншым палетку плошчай больш чым 110 гектараў, сеяў пшаніцу і Уладзімір Кудзін на трактары “МТЗ-3522” айчынным камбінаваным глебаапрацоўча-пасяўным агрэгатам “АПП-6”. Фронт работ для гэтага сейбіта рыхтавалі механізатары Сяргей Мікуліч і Уладзімір Васілеўскі на трактарах “МТЗ-1221” з чызельнымі культыватарамі “КЧ-3,6”. Каля апоўдня прама ў поле вадзіцель “уазіка” Уладзімір Гваздзілін разам з раздатчыцай Таццянай Лыскавец прывезлі занятым на сяўбе і падрыхтоўцы глебы работнікам гарачыя абеды. Хутка падсілкаваўшыся, механізатары запусцілі рухавікі сваіх трактароў і працягнулі выконваць даручаную кожнаму работу.

Мікалай ЧАЛЕЙ, фота аўтара

Выбарачна, па меры падсыхання глебы

Земляробы ААТ “Зембінскі” ў ліку першых на Барысаўшчыне ўключыліся ў сяўбу ранніх збожжавых каласавых культур. Напрыканцы мінулага тыдня выбарачна, па меры падсыхання глебы, “зембінцы” пачалі сяўбу аўса.
Калі мы наведаліся ў гаспадарку ў мінулы чацвер, механізатар Андрэй Пятрашка на трактары “МТЗ-3022” шыроказахватным камбінаваным глебаапрацоўча-пасяўным агрэгатам “АПП-6” “Бярэсце” сеяў авёс на падсохлых участках поля каля вёскі Брылі. Весці сяўбу на суцэльным масіве было нельга, таму што ў асобных, больш нізкіх месцах, асабліва ў лагчынах, глеба была яшчэ пераўвільготненай. Другі механізатар Аляксандр Білан на ўскрайку поля чакаў сігнала свайго калегі, каб пры неабходнасці без прамаруджвання аўтазагрузчыкам заправіць пасяўны агрэгат насеннем.
Як паведаміў галоўны аграном Іосіф Зенкевіч, толькі збожжавыя і зернебабовыя культуры гэтай вясной у гаспадарцы трэба пасеяць на плошчы больш чым паўтары тысячы гектараў. У іх ліку 700 гектараў ячменю, 600 – аўса, 80 – яравой пшаніцы, 20 – грэчкі і 100 гектараў зернебабовых. Акрамя гэтага, на 900 гектарах павінна быць пасеяна кукуруза, у тым ліку 50 гектараў на зерне. Запланавана пасеяць таксама 220 гектараў аднагадовых траў на зялёны корм.
– Аб’ём веснавых палявых работ у нас вялікі, таму, як толькі з’явілася магчымасць выехаць у поле, механізатары адразу ж прыступілі да ворыва глебы і выканання іншых неадкладных работ, – паведаміў Іосіф Осіпавіч. – З восені зябліва было ўзнята на ўсёй запланаванай плошчы, але вясной нам патрэбна было ўзараць пад яравыя збожжавыя культуры яшчэ каля 600 гектараў састарэлых пасеваў шматгадовых траў, якія эксплуатуюцца працяг-лы час, таму не даюць належнай аддачы. Акрамя гэтага, пад аднагадовыя травы ўзорваюцца так званыя няўдобіцы, якія да гэтага працяглы час не выкарыстоўваліся, а цяпер будуць уведзены ў севазварот. Адзін з вопытнейшых механізатараў гаспадаркі Аляксандр Крывашэй на трактары “МТЗ-3522” за дзень узорваў да 25 гектараў, Алег Рабецкі на трактары “МТЗ-3022” – да 20, Віктар Буцько і Віктар Пугач на “МТЗ-1221” – па 10 гектараў. Значна перавыконвалі даведзеныя заданні і механізатары Уладзімір Самцоў і Аляксандр Філончык, якія аралі ў начную змену на энерганасычаных трактарах “МТЗ-3522” і “МТЗ-3022” адпаведна.
Паводле сцвярджэння галоўнага агранома, у начную змену была задзейнічана тэхніка і на закрыцці вільгаці, гэту адказную работу выконвалі вопытныя механізатары Аляксандр Лазоўскі і Віталь Мікуліч на трактарах “МТЗ-1221” з культыватарамі “КНЧ-4,2” і баронамі. А ўдзень на закрыцці вільгаці задзейнічаны механізатары Віктар Буцько на “МТЗ-1221” і Артур Паўлавец на “МТЗ-3022” з шыроказахватнымі камбінаванымі агрэгатамі “АКШ-6” і “КОНУ-7”.
Можна сказаць, адразу ж пасля сходу снежнага покрыва і падсыхання глебы прыступіў да падкормкі азімых збожжавых культур на самаходным агрэгаце “Раса” Уладзімір Білан, які за дзень апрацоўвае да 120 гектараў пасеваў. Своечасовы падвоз вадкага мінеральнага ўгнаення КАС для бесперабойнай работы “Расы” забяспечвае вадзіцель аўтамабіля “МАЗ” Вячаслаў Белы.
Як запэўніў галоўны аграном, паколькі з-за неспрыяльных умоў надвор’я восенню не ўсе азімыя культуры добра раскусціліся, таму ў першую падкормку іх падсілкуюць азотам з разліку па 30 кілаграмаў дзеючага рэчыва на гектар, а ў другую падкормку – яшчэ па 60 кілаграмаў, згодна з планам унясення мінеральных угнаенняў.
На падкормцы шматгадовых траў, сенажацяў і пашы, а таксама азімага рапсу цвёрдымі мінеральнымі ўгнаеннямі ў гэтыя дні шчыруе на трактары “МТЗ-82” з агрэгатам “РДУ” механізатар Уладзімір Самцоў, а Мікалай Мікуліч на трактары “МТЗ-1221” агрэгатам “РМУ-8000” уносіць азотныя і калійныя тукі пад яравыя збожжавыя культуры.
У дзень наведвання гаспадаркі два звяны працавалі на вывазцы і ўнясенні арганічных угнаенняў. У складзе аднаго звяна – механізатары Сяргей Мыцько на пагрузчыку “Амкадор”, а таксама Віталь Богдан і Максім Шакавец на энерганасычаных трактарах з прычэпамі “ПРТ-7” і “МТТ-9” адпаведна. Другое звяно складаюць члены механізаванага атрада ААТ “Барысаўская Аграпрамтэхніка”, якія прыехалі на дапамогу гаспадарцы па распараджэнню раённага кіраўніцтва. Арганікі вясной павінна быць запраўлена ў глебу 59 тысяч тон: 51 тысяча тон пад кукурузу, з разліку па 60-70 тон на гектар, і 8 тысяч тон – пад яравыя збожжавыя культуры, па 20-30 тон на гектар.
Механізатар Міхаіл Адамейка ў гэтыя дні займаецца падсевам пад азімае жыта шматгадовых траў – канюшыны і сумесі канюшыны з цімафееўкай. Пакуль гэта работа вядзецца на так званай мінеральнай глебе, аднак пазней запланавана падсеяць 250 гектараў каласоўніка на тарфяніках. А яшчэ, з мэтай забеспячэння грамадскай жывёлы гаспадаркі раслінным бялком уласнай вытворчасці, мяркуецца пасеяць 50 гектараў люцэрны ў сумесі з цімафееўкай і канюшынай.
– Напачатку сяўбу аўса распачаў толькі адзін Андрэй Пятрашка, паколькі не на ўсіх палях можна весці гэту работу, але пры наступленні спрыяльных умоў надвор’я ў работу ўключацца яшчэ два вопытныя механізатары Аляксандр Крывашэй і Алег Рабецкі, – запэўніў Іосіф Зенкевіч. – Трыма шыроказахватнымі камбінаванымі глебаапрацоўча-пасяўнымі агрэгатамі ёсць рэальная магчымасць за дзень засяваць да 100 гектараў плошчы і пасеяць яравыя збожжавыя і зернебабовыя культуры за 15 рабочых дзён. Як і намечана распрацаваным рабочым планам.

Мікалай ЧАЛЕЙ, фота аўтара